Advertisement
Advertisement

الخوري كامل كامل في أقوى تعليق على مقتل شهداء الجيش اللبناني وتهريب داعش

Bookmark this
August 29, 2017

كتب الخوري كامل كامل: حب الوطن متل حب الام… هالقد بيوجع

بذكر يا إمي بهيداك النهار الأسود لمن هجموا علينا النصرة وجماعة داعش بعرسال، صوت رفقاتنا بالجيش تنصبر لأنن جايين يحررونا من الأسر ببلادنا، لمن احتجزونا ببيت الله اللي لازم يكون أصلاً للعبادة مش حبس للأحرار

 

بسمع يا إمي رئيس دولتنا عم يطلب من قائد جيشنا اللي كان بلش بهجوم معاكس ليحررنا، بسمعوا عم يقللو وقف إطلاق النار، ورغم اعتراض قائدنا أصرّ رئيس حكومتنا على التراجع والانسحاب، من يومها يا إمي استشهدنا كلنا واستشهد الوطن

 

أوامر رئيس حكومتنا وجعتني أكتر من السكين اللي دبحتني… وكنت بلِّشت إرتاح لمن شفت رفقاتي عم يحرروا وينضفوا الجرود من هالدنس، لكن رجعت حسّيت بالسكين عم تحزّ ع رقبتي وهالمرة وجعتني أكتر ، لأني صرت عضام بعد ما لحماتي أكلوهن سماسرة الوطن

 

وجعتني السكين أكتر يا إمي لمن سمعت إنّو اللي ذبحونا رح يطلعوا سالمين من الارض اللي رويناها بدماتنا، ونحن رح نرجع عضام بنعوش مرصعة بدمعاتك

 

وجعتني السكين أكتر يا إمي لمن سألتي عني المسؤول وقلك انشالله بيرجع بالسلامة، وهوي اللي دفني بإيدو تحت التراب

 

وجعتني السكين أكتر يا إمي لمن شفت رفقاتي وقفواع قبري وحنوا راسن ونكسوا بواريدن لأنو اللي دبحني رح يمرق من قدامن بسلاحو ومش رح ياخدوا بتاري

 

وجعتني السكين أكتر يا إمي لمن أخدوا مني خزعة تيعملولي فحص ال ADN ويأكدولك إنّو هالعضمات هني إبنك اللي ربيتي بدموع عيونك، وهلق كيف بدن يربوا إخواتي ودموعك منشفين؟؟

 

ورح توجعني السكين أكتر يا إمي لمن بدن يعملوا يوم حداد علينا، قولك يا إمي بهيدا النهار بترجعلنا الكرامة؟؟ وبرجع أنا بوّس إيدكي واطلب رضاكي قبل ما روح عالخدمة؟؟

 

رح توجعني السكين أكتر يا إمي لمن بشوف اللي تاجروا بدمعاتك عم يعزوكي، واللي تاجروا بدماتي عم يحكوا بالوطنية

 

رح توجعني السكين أكتر يا إمي لمن رح يقولوا خطابات فوق نعشي ونعوش رفقاتي، ويقولوا إنّو انتصرنا

 

ورح توجعني هالسكين أكتر يا إمي لمن إبني رح  يشوف بكتاب التاريخ  أسامي حكام باعوا وطنن مكتوبي بخطوط مدهبي  واسم بيو الشهيد وشهدا كتار متلو مشحوط بقلم أسود كإنو غلطة لازم تنمحى

 

بتعرفي يا إمي وجعتك كفاية ما كنت عارف إنّو  حب الوطن متل حب الام هالقد بيوجع….بخاطرك


Advertisement

Recent Articles

The United Australia Lebanese Movement Australia Day Award Ceremony

The United Australia Lebanese Movement Australia Day Award Ceremony

in Community News

The United Australia Lebanese Movement (UALM) held its 22nd consecutive Australia Day Award Ceremony on 22/01/2020 endorsed by the Australia Day Council of NSW. The UALM is the only organisation outside of Local Government able to hold such an event.

January 26, 2020

Rubber Bullets, Tear Gas, Water Cannons Fired at Stone-Throwing Protesters in Beirut

Rubber Bullets, Tear Gas, Water Cannons Fired at Stone-Throwing Protesters in Beirut

in Local News

Security forces on Sunday fired rubber bullets, tear gas, pepper spray and water cannons at stone-throwing protesters in central Beirut, a day after almost 400 people were injured in the fiercest clashes yet...

January 20, 2020 By Naharnet Newsdesk

Lebanon ranks first in Huawei's Mideast ICT competition

Lebanon ranks first in Huawei's Mideast ICT competition

in World News, Local News

Lebanon ranked the first in Huawei's Middle East ICT competition which took place over the weekend in the Chinese city of Shenzhen, a Huawei statement said Monday. A total of 13 teams of 39 students from across the Middle East competed in the final.

December 3, 2019

Hariri Announces Resignation, Urges Political Parties to Protect Lebanon

Hariri Announces Resignation, Urges Political Parties to Protect Lebanon

in Local News

Prime Minister Saad Hariri on Tuesday submitted his government’s resignation to President Michel Aoun, on the 13th day of an unprecedented popular revolt against the entire political class.

October 30, 2019 By Naharnet Newsdesk